Tanya Kereja Kus

1.0 Tanya 1

Bepelasarka utai ti dipinta ba tanya lumur satu tu, aku dipinta ngumpul sereta ngagihka kereban nitihka tema dalam Dokumen Standard sereta seriran enggau tikas primari ke dipilih. Nyadi nitihka pansik ti bisi digaga aku ba Dokumen Standard Kurikulum Jaku Iban Taun 4, bisi tiga tema. Iya nya, dunya diri empu, dunya ensera enggau cherita lalu iya ti kepenudi dunya penemu.

Bagi tiap iti tema nya, iya mesti disempulangka enggau chunto aktiviti ti seriran enggau tikas nembiak. Ba baruh tu degi, aku deka ngayanka chunto aktiviti ti diambi ari tema dunya diri empu.

Chunto Aktiviti 1:

Bepelasarka gambar ba atas, uji padahka guna perengka tu ba raban bansa Iban

Chunto Aktiviti 2:

Bepelasarka gambar ba atas nya, uji padahka tukuh jelu tu.

Chunto Aktiviti 3

Ngisi endur puang

Talipaun Televisyen Radio Internet

1.    _______ sebansa perengka elektronik ti dikena kitai bekomunikasyen ari jauh.

2.    Kitai ulih ninga lagu enggau berita nengah perengka ti dikangau ______.

3.    Mayuh macham informasyen ulih digiga ba _______.

4.    _____ nya dibeli Igat laban iya ka meda pekit main bol.

Chunto Aktiviti 4:

Assan seduai bini iya gaga bendar ati meda diri bisi anak lelaki siku ke sigat sereta sikar dalam semua main enggau pengawa. Nya alai endang kenyau ari mit iya arap ka Salau tau nyadi orang ke menyana ka ganti iya nampung bilik nampung pemaik sereta nyaga reta tengkira, enti lebuh nyau datai ba maia seduai bini nyau udah nadai agi jemah ila. Salau tu anembiak ke rajin bendar, serta enggau liat ati ngereja pengawa ti mar sereta pedis dikereja.

1.    Sapa nama anak Assan ?

2.    Nama kebuah Assan sayauka Salau ?

3.    Uji padahka pengelebih ti bisi ba anak Assan ?

Chunto Aktiviti 5:

Bacha Leka Sampi Gawai Dayak

Sa, dua, tiga, empat, lima, enam, tuuuuuujuh!

Enda aku busung ngelangkah gunung,

Enda aku tulah ngelangkah tanah,

Enda aku danjan ngelangkah bulan,

Enda aku tumbang ngelangkah bintang!

Kaki aku udah bediri di segi besi belumpung,

Nyawa aku nyapa nyembah di kelasah tikai bedung lung.

Lengan kanan aku ditanggam beringan lanchum selung,

Pala aku di-bap singkap jalung jabung,

Belakang aku ditinggang seludang baju burung.

1.    Uji terangka reti rambai jaku “ Enda aku tulah ngelangkah tanah “

2.    Kemaya bansa Iban selalu nyambut gawai ?

3.    Ba penemu nuan, nama kebuah leka sampi tu patut dijaga ?

Chunto Aktiviti 6:

Igat Arun meli ka anak iya sepasang kasut sekula baru ti bejenama Nike. Iya meli kasut nya ba Kedai Aya Sigat Shophouse. Kebuah iya meli kasut sekula nya laban kasut lama anak iya udah jai. Anak iya chukup beterima kasih ngagai Igat Arun laban udah melika iya kasut baru.

1.    Uji tuliska jaku nama ti bisi ba cherita pandak nya tadi.

2.    Nama jenama kasut ti dibeli Igat Arun.

3.    Terangka kebuah Igat Arun meli kasut nya ka anak iya.

Udahnya aku deka ngayanka chunto aktiviti ti ditempa bepelasarka tema dunya ensera enggau cherita.

Chunto Aktiviti 1:

Dialog entara dua iku kaban ti lama enda betemu.

Kalom: Nama berita nuan kaban ? Lama endar enda betemu.

Suntong: Manah. Nama pengawa nuan ba pasar deh ?

Kalom: Aku tu ka bebayarka bil karan kami sebilik.Kini pejalai nuan deh kaban ?

Suntong: Aku tu ka ngusung bank. Ka ngirumka madi aku duit.

Kalom: Au pia. Alai meh unggal.

1.    Kini tunga Suntong bejalai ?

2.    Nama kebuah Suntong ka ngusung bank ?

3.    Padahka kebuah kitai patut ngerandau kaban lama.

Chunto Aktiviti 2:

Ngisi endur ti puang bepelasarka jaku penempat

1.    Enda berasai kaki aku te____ ( pantup ) ba kaki meja nya.

2.    Naka meh pe____ ( besai ) baya ti udah ditangkap Sindap.

3.    Peningga sida sebilik be____ ( bela ) magang.

Chunto Aktiviti 3:

Tusun ayat nyadi siti ayat ti seriran

1.    Bejalai Sibu sebilik kemari kami lemai

__________________________________________

2.    Sebansa mangah utan rimau diau ba dalam

__________________________________________

3.    Nyamai manis buah amai laban temedak asai

__________________________________________

            Chunto Aktiviti 4:

1.    Kami pan enda nemu nama kebuah gamal ibu baka ringin pulai mansai. Bepelasarka jaku sempama ti bisi dichelak chelum tadi, uji terangka reti iya.

2.    Sadam udah lama bisi ati ke Shila. Terangka reti sempama bisi ati.

3.    Reti sempama ngarapka kijang dalam babas iya nya, ngarapka utai ke bedau temu ulih tauka enda. Bepelasarka penerang nya tadi, tempa siti ayat.

Chunto Aktiviti 5:

Bepelasarka gambar ti bisi ditepu tadi, tulis ka cherita pandak.

Chunto Aktiviti 6:

Laptop tu sebansa perengka elektronik ti ulih dikena kitai ngaga mayuh macham pengawa. Kereban tu ulih bisi mayuh macham saiz sekalika besai tauka mit. Skrin laptop tu betukuh segi empat. Rega mega ulih berengkah ari ke mudah dataika mar nitihka fungsyen ti bisi ba laptop nya. Laptop tu mesti dicas ngena pengecas. Tali pengecas bateri tu panjai lalu guna iya dikena nganjung karan ngagai bateri.

1.    Uji tuliska leka jaku adjektif ti bisi ba teks tu.

2.    Padahka tukuh skrin laptop.

3.    Ba penemu nuan, nama kebuah laptop tu mesti dicas ?

Lalu iya ti kepenudi iya, aku deka mantaika chunto aktiviti ti diambi ari tema Dunya Penemu.

Chunto Aktiviti 1:

Bepelasarka gambar ba atas nya, uji tempa siti cherita pandak lalu iya mesti diselitka enggau sempama ti engkeman.

Chunto Aktiviti 2:

Nempa ayat ari jaku tanya.

1.    Dini

___________________________________________________________

2.    Sapa

___________________________________________________________

3.    Lapa

___________________________________________________________

Chunto Aktiviti 3:

Asilka siti karang kreatif  pandak bepelasarka topik chara nyaga pengerai ba pemakai.

            Chunto Aktiviti 4:

            Betulka penyalah tanda bacha, koma, noktah enggau urup besai tauka mit ti bisi ba karang pandak tu.

rimau tu sebansa jelu ti mangah. Jelu ti semina makai dagin laban iya datai ari raban karnivor rimau tu munuh ngena kukut enggau ngeli ti tajam. Diatu jelu tu nyau makin punas laban mensia ngasu iya dikena ngulihka bulu iya ti berega.

            Chunto Aktiviti 5:

            Nempa ayat bepelasarka jaku sempama.

1.    Baka pinang dibelah dua

_____________________________________________

2.    Gerah mata undang

____________________________________________

3.    Ketup lelabi mati

_____________________________________________

            Chunto Aktiviti 6:

            Gaga ayat bepelasarka jaku adjektif di baruh tu

1.    Besai

________________________________________________

2.    Tebal

___________________________________________________

3.    Sigat

___________________________________________________

Fonetik

BIDA ANTARA FONETIK ENGGAU FONOLOGI

FONETIK	FONOLOGI
Mansik fizikal, fisiologi, anatomi, neuronlogi enggau psikologi munyi jaku.	-       Siti ari  subtopik linguistik ti mansik munyi sesebengkah bansa jaku enggau guna munyi dalam jaku.
Pansik ti bekaul enggau penteba naturalasyen, produkstion enggau persepsion munyi – munyi jaku ke diasilka.	-       Pansik senentang sistem munyi ba sesebengkah jaku enggau penteba naturalsyen sechara rama.
Dibagi ngagai 3 bengkah : a.    Fonetik akustik / fonetik fizikal b.    Fonetik artikulasyen c.    Fonetik auditori / fonetik ninga	-       Dibagi ngagai 2 bengkah; a.    Fonetik b.    fonemik
-        mansik senentang munyi – munyi jaku	-       mansik kaul pola – pola intonasyen

Tanya Sintaksis Jaku Iban

1. Proses ningkilka frasa predikat bisi dua iti , iya nya semua frasa predikat tauka sebagi ari frasa predikat. Bepelasarka penerang ti diberi tadi, tempat siti chunto ayat ari semua frasa predikat.

2. Frasa jaku penempat ti nyadi penerang frasa adjektif ngempung reti penerang banding, hal, maya enggau tuju. Gaga siti chunto ayat ti engkeman bagi lima iti bansa penerang.

3. Tempa siti ayat ti ngembuan reti ti betimbal.

4. Dalam tusun ayat selama frasa adjektif nyadi predikat datai pengudah subjek.

Tanya Fonetik enggau Fonologi

1. Rintaika tiga bengkah fonetik  ti bisi ba fonetik.

2. Diftong ( au ) tu diasilka ngena chara palan dilah ti ba palan vokal ( a ) berubah palan ngagai vokal belakang rampit ( u ). Kelekanit lemu ke atas berimbai enggau dinding rumbang tekak lalu angin ari lempuang dikesuhka ngagai rumbang tekak. Penudi iya glottis deka dirapitka enggau ruding sura nyawa deka bergetar. Tu ngujungka diftong tu diasilka. Bepelasarka penerang ti diberi, uji liska leka jaku ti ngundan diftong ( au ).

3. Nama guna kereban artikulasyen ngagai pengidup kitai mensia.

4. Munyi vokal mua begunaka organ artikulasyen baka dilah, pemesai rumbang nyawa enggau tukuh mulut.

Tanya Morfologi Jaku Iban

1. Penambah ulih dibagi ngagai empat bansa iya nya penambah mua, belakang, selit enggau kepit. Bepelasarka penerang tu tadi, uji tempat dua iti chunto ayat ti ngundan penambah kepit.

2. Sadam bejalai ke Sibu. Bepelasarka ayat nya tadi, padahka bansa penerang ti bisi dikena.

3. Rintaika bansa jaku adjektif lalu disempulangka enggau chunto ti seriran.

4. Rintaika tiga bagi ba penambah ba jaku Iban.

Tanya Semantik Jaku Iban

1. Bisi sesebengkah jaku pengawa ti befungsi nyadi subjek , iya nya jaku pengawa ti ngambi fungsi jaku nama. Bepelasarka penerang nya tadi , tempa siti chunto ayat.

2. Gaga banding bida ayat pelasar enggau ayat tunggal lalu disempulangka enggau chunto ti engkeman.

3. Proses nusun baru mega nyadi ba ayat tunsang. Uji padahka empat bansa penerang ti ulih ngasuh ayat nya ditunsangka. 

4. Frasa pengawa sekalika betukuh transitif tauka ukai transitif , tau nerima ayat komplemen. Tempa sigi ayat bepelasarka penerang tu.

Semantik

Reti Semantik

Semantik nya siti bidang ti mansik lalu nguse reti jaku enggau ayat. Leka jaku nya siti ari utai disebut lalu nyadi siti randau ke mers lalu bisi ngembuan reti iya. Dalam jaku kitai ulih mantaika gaya runding, buah runding, emosyen, ulah enggau perangai siku – siku mensia.

Definisyen ari sukut istilah mega, semantik mega dati ari jaku Yunani “semantikos” ti mai reti berguna lalu ngembuan reti. Enti dipeda ari definisyen ke diberi  sida ke and aba penemu semantik tu iya nya madahka semantik tu siti cabang linguistik ke ngemeranka reti (J.W.M. Vehar, 1996). Nitihka kamus dewan, semantic mai reti mansik senentang reti leka jaku enggau penambah reti ba siti – siti leka jaku. Sechara rama, semantik tu iya siti ari bidang penemu senentang reti enggau reti ke berubah ba siti – siti leka jaku. sechara saintifik mega madahka semantik tu mansik senentang lambang – lambang tauka kelai ti madahka reti, kaul entara reti enggau reti ke bukai.

1.2.         Konsep Semantik

Nitihka Ferdinand de Saussure, semantik nya siti jaku ke disebut dikena ngenataika reti. Choamsky madahka semantik nya reti ayat ke ditentuka struktur konteks  maya ayat dikena. Pia mega, semantik ukai semina meda ba reti aja tang ba pengerembai iya ke disebut “semantic sejarah” (M.Beral. 1893)

Ke simpul iya, semantik tu siti bagi ari bidang linguistik ke mansik jaku ngena jalai ke likun. Semantik mega ulih  nyadi siti bidang ke mansik reti leka jaku enggau ayat ba jaku. Pansik  ke ngembuan kaul enggau reti leka jaku ulih dipeda ba sukut reti, denotasyen enggau konotasyen, reti ba konteks, kaul reti enggau daya idup, tranformasyen reti enggau tukuh – tukuh reti ari kaul semantik.

1.3.        Sinonim

Leka jaku sinonim datai ari leka jaku  Yunani kuno, iya nya onoma ti mai reti ‘nama’ enggau syn mai reti ‘enggau’. Reti sinonim iya nya siti leka jaku, frasa, ayat mai reti ke sama tauka kurang lebih sama. Ambika chunto iya, leka jaku  Jabang enggau Empasa. Indai mayuh amat nanam pun jabang sereta epasa ba kebun iya lalu enti ngena leka jaku empasa mega pen sama iya nya Ini Melina ngiting daun empasa ba tengah laman. Reti leka jaku ba atas nya endang sama tajapan sepil iya jauh bebida. Nitihka menua siti – siti mega bisi mega orang ngena leka jaku empasa, jabang tauka ubi. Semua nya nitihka pelilih ai lalu iya mega mungkur reti ke sama magang. Nya kebuah iya dikumbai sinonim.

Pia mega baka reti buruk enggau ngelusu. Ba jaku Iban buruk tu siti leka jaku ke madahka siku orang nya enggai ngaga  siti – siti pengawa. Ambika chunto iya, Igat buruk amat ngaga pengawa sekula ke dibei pengajar iya ba sekula. Lalu ngena jaku ngelusu , ambika chunto iya Merikan ngelusu amat kereja nyentuka iya diburu apai iya ari rumah. Ba ditu buruk enggau ngelusu tu agi ulih dikena meri reti ke sama laban iya agi bekaul enggau perangai siku – siku orang nya madahka enggai ngaga pengawa. Taja pia, ba jaku ngelusu tu mega, bisi siti agi reti ke sama ngena leka jaku tu iya nya madahka telih tauka abi lita ba tubuh siku – siku orang maya iya bisi terap tauka tetingkap. Ambika chunto iya, pala patung Jagai nyau ngelusu dibai iya terap ba bilik mandi ke lichau. Berasai nyemetak bendar gak reti sinonim ba ditu enti dipeda.

1.4.        Antonim.

Leka jaku antonim mega datai ari leka jaku Yunani kono iya nya onama ke mai reti ‘nama’ enggau anti ‘ belaban’. Nya alai antonim tu leka jaku ke mai reti ke belaban reti enggau siti leka jaku ke bukai. Ambika chunto baka leka jaku dua iti tu duduk enggau bediri. Ba jaku Iban mega duduk tu siti leka jaku madahka orang nya benung duduk ba siti alai baka bangku tauka utai ke ulih endur duduk. Ambika chunto iya, Apai duduk ngerimbai aku maya tua iya nepan bas. Lalu leka jaku ke belaban reti enggau leka jaku tu iya nya baka chunto tu Indai nyau berasai lelak laban ke lama udah bediri ari tadi. sebaka enggau sinonim tadi mega enti tadi sama reti diatu belaban reti. Chunto kedua mega baka leka jaku dua iti tu iya nya, jauh enggau damping/dampih/semak. Chunto ke engkeman ba jauh iya nya  rumah sida petunggal aku jauh bendar laban sida diatu udah bisi rumah ba London. Lalu leka jaku ke belaban reti enggau leka jaku jauh nya baka tu Sekula sida Dom damping/semak/dampih amat ari rumah panjai sida.

Ba leka jaku ke belaban reti ba atas nya tadi kitai tau nemu nama kebuah iya tau belaban reti kebuah pia, jauh tu madahka reti enda damping lalu enti kitai meda ari sukut jam iya mega beguna ke jam dikena ngenataika diri maya deka ngagai siti – siti endur nya, lalu damping tu siti leka jaku madahka endur nya semak lalu enda jauh lalu enti beguna jam ka ngagai endur nya enda entu begunaka awak mayuh dikena kia. Ba penerang nya tadi kitai tau nemu nama kebuah seduai belaban reti.